MP CM tharin loneitute loan ba ngaidam nghal

Madhya Pradesh Chief Minister thar Kamal Nath chu Thawhṭanni khan lakluh a ni a, lakluh a nih aṭanga darkar reilote hnuah inthlan dawna an campaign-naa an lo tiam tawh angin state chhunga loneitute loan ban ngaihdamna tur a tifel nghal.

CM thar chuan thupek tichhuak nghalin, loneitute loan ba chu cheng nuai 2 thleng ngaihdam an ni dawn tih a sawi a, hemi rual hian national leh coooperative bank-te loan an pekchhuaha an sum chante hliahkhuhna tur chu puan thuai a ni dawn tih a sawi bawk.

Kum 72 mi Kamal Nath kaihhruai hian Madhya Pradesh-ah kum 15 chhunga Congress sorkar vawi khatna a ding a ni. CM thar chuan loneitute loan ba ngaihdamna tur thupek a tihchhuah nghal bakah, industry zingah an hnuaia hnathawka state chhung mi 70% awmna chu duhsakna pek an ni dawn tih a sawi bawk a ni.

Nath chuan hna tam zawk siamna turin garment park pali siam a nih dawn thu a puang a, 'Kanyadan Yojana' hnuaia pasal nel rual hmeichhia awmna chhungkua ṭanpuina pek ṭhin, Rs 26,000 pawh Rs 51,000-ah a tipung nghal bawk.

Madhya Pradesh CM 18-na, Kamal Nath hian a cabinet member turte a la ruat fel lo a, tihfel thuai a tum tih a sawi.