Parliament-ah Vaj-payee thlalak tar dawn

Prime Minister hlui Atal Behari Vajpayee-a thlalak lian chu Parliament-a Central Hall-ah tar a ni dawn.

Vajpayee thlalak tar hun tur hi tihchian la ni lo mah se, December 25-a a piancham puala Good Governance Day lawm hunah tar a nih rin a ni.

Home Minister Rajnath Singh chuan PM Vajpayee chawimawina atana Parliament-a a thlalak tar rawtna hi Finance Minister Arun Jaitley leh senior BJP leader Satyanarayan Jatiya-te nen an thlen a, Lok Sabha Speaker Sumitra Mahajan-i kaihhruai Portraits Committee of the Lok Sabha chuan an rawtna hi lungrual takin an pawmsak a ni. He committee-ah hian Deputy Speaker M. Thambidurai, Lok Sabha-a Congress leader Leader Mallikarjun Kharge, Trinamool Congress MP Sudeep Bandopadhya, Biju Janata Dal MP Bartuhari Mahtab, TRS MP Jitender Reddy leh Shiv Sena MP Anant Geete-te an tel.