Rajasthan sokarin farm loan ngaih-dam nan Rs vbch 70,000 seng dawn

Rajasthan state finance department chuan an state chhung farm loan ngaihdamna atan sorkar chuan cheng vaibelchhe 70,000 a sen a ngai dawn niin a sawi.

Congress party chuan inthlan dawn khan sorkarna an chan chuan farm loan ngaihdam a tiam a ni. Congress hruaitu, Chief Minister Ashok Gehlot kaihhruai sorkar chuan finance department nen farm loan ngaihdam dan tur hian ngaihtuah mek a ni.

Congress sorkarna state dang pahnih, Madhya Pradesh leh Chhattisgarh sorkar chuan short term loan ngaihdam tur hi a puang tawh a, Rajasthan sorkar pawhin a ngaihtuah mek bawk. Rajasthan finance department chuan farm loan ba zawng zawng ngaihdamna tur chuan cheng vaibelchhe 70,000 sen a ngai dawn tih sawiin, heng zinga cheng vaibelchhe 50,000 chu short-term loan a ni tih a sawi. Official chuan loan hi cooperative bank hrang hrangah cheng vaibelchhe 20,000 niin, a bak chu national bank-a ba a ni tih a sawi bawk. Official chuan department hrang hrang aṭangin data a lakhawm mek tih a sawi.

Rajasthan chief minister hlui, Vasundhara Raje kaihhruai BJP sorkar pawh khan kumin khan cooperative bank aṭanga farm loan la-te chu Rs 50,000 chin a lo ngaihdam sak tawh a, hemi atana sorarin sum a sen chu cheng vaibelchhe 8,400 zet a tling a ni.