UP-ah BSP leh SP in seat insem dan rel fel

20th December, 2018

Bahujan Samaj Party (BSP) leh Samajwadi Party (SP) chuan nakkum Lok Sabha inthlanpui neih tura Uttar Pradesh-a thawhdun tumin, seat insem dan tur pawh an rel fel tawh nia sawi a ni.

UP-a eptu party pahnih, BSP leh SP-ten seat insem dan tur an relnaah hian Congress party a tel lo a, Rashtriya Lok Dal erawh a tel thung. BSP leh SP-te hian seat hi a inzata insem turin an ti a, RLD hi seat thum an pe ve dawn a ni.

Party pahnihte hian an thawhdunna tur leh, seat an insem dan tur chungchangah hian official-a thuchhuah an la siam lo a, nakkum January 15, BSP hotu lu Maywati-i pianchamah an puanchhuah rin a ni.

Uttar Pradesh-a rorellai, BJP tan BSP leh SP ṭangdun hi an huphurhawm chhoh hle rin a nia, Gorakhpui leh Phulpur Lok Sabha bypoll neihah pawh khan BSP-SP thawkdunte hian BJP chu awlsam takin an hneh thei a ni.

BSP leh SP hian Madhya Pradesh-ah Congress kaihhruai sorkar a din theihna turin an thlawp a, mahse Uttar Pradesh-a an thawhdunnah erawh chuan Congress hi telh an ni lo thung.