Eptu PM candidate tur thlan a la hun lo : Mamata Banerjee

West Bengal Chief Minister leh Trinamool Congress hruaitu Mamata Banerjee chuan nakkum Lok Sabha inthlanpui neih tura eptu ṭangrual pawlte prime minister candidate tur thlan a la hun lo tih a sawi a, hemi rual hian ṭangrual pawlten an thlanchhuah chu an party chuan a pawm dawn tih a sawi.

Kolkata-a state secretariat Nabanna-a chanchinthar lakhawmtute a kawmnaah Banerjee-i chuan thawkho an ni a, hei vang hian ṭangrual pawla party hrang hrangte inlungrual tlanna chu an pawm dawn tih a sawi. Mahse PM candidate tur thlan hi a la hun rih loa a hriat thu leh, hun remchang ṭha a la inherchhuah mai tur thu a sawi a ni.

Banerjee-i party TMC hian DMK president MK Stalin-an eptu ṭangrual PM candidate atana Congress president Rahul Gandhi puan a rawtna chu a lo hnawl tawh a, PM candidate tur puan hma lutuk chuan ṭangrual pawl zingah harsatna a thlen palh thei niin an sawi.