IS pamphlet semtu mi pahnih man

Goa-ah Islamic State (IS) pamphlet semtu mi pahnih chu Thawhṭanni khan man an ni a, an pahnih hian Kerala-a Kasaragod district-a mi an ni.

Police official chuan an mi mante hi Ilyas U (34) leh Abdul Nazir (24) an nih thu sawiin, tualchhung miten Kannada ṭawnga inziak, IS symbol awmna lehkha an sem thu an sawi hnuah Dona Paula hmunah man an ni tih a sawi.

Mi pahnih an mante hi Criminal Procedure Code section 107 leh 151 hnuaiah thubuai siamsak an ni a, Goa Medical College-ah medical examination nei tura thawn nghal an ni. Hemi hnu hian police official-ten thu an zawtfiah zui nghal.

Police-te chuan an lehkha semte chu enfiah a nih thu sawiin, he lehkhaah hian Salafi Muslim convention, January 9-16 chhunga Mangalore-a neih tur chungchang a inziak tih an sawi.