CBI-in Surat-a hmun 13 an dap

Central Bureau of Investigation (CBI) chuan bank official, sumdawng lian pahnih leh an thurualte lakah bank lemah cheng vaibelchhe 60.5 chuang an deposit avangin thubuai an siamsak. Nimin khan hemi kaihhnawihah hian Surat-a hmun 13 an dap zui bawk.

CBI-in thubuai a ziahluh zinga pakhat chu Surat-a nationalised bank-a branch manager leh senior manager lakah a ni a, anni bakah hian he khawpuia privater firm neitu mi pakhat, a hming puanzar loh lakah thubuai ziahluh a ni bawk. Hei bakah hian cooperative bank main branch-a official ṭhenkhat thubuai siamsak an ni.

Agency chuan, kum 2016 November 8-a pawisa note lian pahnih, Rs 500 leh Rs 1,000 note tih thih a nih hnu khan Surat-a private firm-ah hian bank acount hawngin, cheng vaibelchhe 24.35 an dah lut a ni tih a sawi. A hnuah Surat-a private firm neitu chuan account hawngin cheng vaibelchhe 36.17 a dahlut leh a ni, a ti. Heng pawisate hi RTGS transfer hmangin midang account-ah sawnkual a ni.