Budget session sawn hma chungchang ngaihtuah dawn
Cabinet Committee on Parliamentary Affairs (CCPA) chuan vawiin hian meeting neiin, January chawlhkar hnuhnung berah Parliament Budget session sawn hma chungchang an ngaihtuah dawn.
Budget Session ṭum dangah chuan February chawlhkar hnuhnung berah neih a ni ṭhin. Mahse kuminah chuan sorkar laipuiin sawn hma a tum a, a tum dan chuan February 1-ah Budget pharh hman a tum a ni. CCPA meeting hian Budget session ṭan hun tur hi a rel dawn a ni. CCPA member zingah hian Finance Minister Arun Jaitley, External Affairs Minister Sushma Swaraj leh Parliamentary Affairs Minister Ananth Kumar te pawh an tel.
SC-in sakhua leh hnam behchhana vote zawn khap
Supreme Court chuan politician-te chu sakhua leh hnam behchhana inbeih leh vote zawn a khap.
SC chuan inthlan chu zalen taka kalpui tur a ni tih sawiin, thlan chhuah te pawhin tih bik nei loin hna an thawk tur a ni, a ti. Court thuchhuah hi political party hrang hrang bakah, Vishwa Hindu Parishad (VHP) leh Jamat-e-Islami Hind (JIH) pawhin an thlawp a, mahse bench zingah vek sawiseltu an awm thung.
Hemi chungchang ngaihtuahtu, Chief Jutice TS Thakur-a kaihhruai Constitution bench-ah chuan ngaihdan hi a phir a, judge pasarih zinga pali-in an thlawp laiin pathum erawh chuan a thlawp lo thung.
PoK refugee-te Rs nuai 5.5 zel pe dawn
Sorkar laipui chuan Pakistan-occupied Kashmir (PoK) aṭanga Hindu refugee-te chu cheng nuai 5.5 zel pek an ni dawn tih a sawi.
Prime Minister Narendra Modi chuan nikum khan Hindu refugee-te zangnadawmna pek an nih tur thu hi a lo puang tawh a, December thla khan union cabinet chuan a pawmpui a ni. Refugee-te zangnadawmna pek tur atan hian sorar laipui chuan cheng vaibelchhe 2,000 a dah dawn a ni. Home Minister official chuan PoK refugee-te bank account-ah direct-in cheng nuai 5.5 zel hi dahsak an ni dawn tih a sawi.