July 10-ah mihringah Covaxin enchhin ṭan dawn

India-in Covid-19 vaccine a siam hmasak ber, Covaxin chu July 10 aṭang hian Patna-a All India Institute of Medical Science (AIIMS)-ah mihringah enchhin ṭan a ni dawn ta. Vaccine siam hi mihringah enchhin a nih theihna turin ICMR aṭangin phalna hmuh a ni tawh a, inbuatsaihna pawh peihfel a ni tawh bawk. AIIMS Superintendent Dr CM Singh chuan ICMR kaihhruaina angin, doctor-ten uluk taka an vil rengna hnuaiah human trial hi neih a ni dawn tih a sawi. Hemi atan hian doctor thiam tak tak panga awmna team pawh siam a ni tawh bawk. 

Dr Singh chuan vaccine hi mihring 100-ah enchhin a ni dawn tih a sawi a, a hlawhtlin dawn leh dawn loh hre tur chuan thla 6-8 vel a ngai dawn tih a sawi bawk a ni. Bharat Biotech-in a siam, Covaxin enchhinna hi thawh thuma neih a ni dawn a ni, a thawh khatna hian ni 28 chhung vel hun a duh ang.