World Bank palaiin India leh Pakistan official hmu
World Bank senior official, Ian H Solomon chuan nimin khan ram pahnihte inrina bul, Jammu and Kashmir-a hydropower project lian pahnih siam chungchangah India leh Pakistan official-te a hmu.
India-in Indus lui kama Kishanganga leh Ratle water project a siam chungchangah India leh Pakistan hi inti thiam lo a, pakistan chuan heng project siamte hian Indus Waters Treaty a bawhchhia niin a sawi.
World Bank President senior adviser, Solomon chuan India lam ṭanchhan hre turin external affairs leh water resources ministry official-te a hmu a, hemi hnu hian Pakistan official-te kawm turin Pakistan lam a pan leh dawn a ni.