White House-a Deputy Assistant atan Indian-American ruat

US President-elect chuan White House-a dinhmun pawimawh tak, Deputy Assistant to the President and Deputy Communication Director and Research Director atan Indian-American Raj Shah a ruat.

Shah hi kum 30 mi vel niin, Republican National Committee-a Opposition Research hotu hna chelh mek a ni. President in­thlan dawna an campaign-naa an khing­pui, Democratic candidate Hillary Clinton-i chungchang zirchiangtu, expert team hotu a ni.

Shah-ah nu leh pate hi Gujarat mi an ni a, a pa hi kum 1970 chho khan US-ah lehkha zirin a awm a, India ramah a rawn kir leh a ni. Mahse nupui a neih hnuah US-ah an kal leh a, Chicago leh Connecticut-ahte an awm. Connecticut-ah an awm laiin Shah hi piangin he hmunah hian a seilian a ni.