India leh EU-in trade and technology council siam remti

Prime minister Narendra Modi leh European Commission president Ursula von der Leyen-te chuan nimina an inkawmnaah technology leh security lama thawhdunna turin EU-India trade and technology council din an remti.

European Commission President hi ni hnih cham turin Pathianni khan India a rawn thleng a ni.

Nimin khan PM Modi nen inkawmin, EU leh India-in thawhdunna nghet leh zau zawk an neih theih dan turte an sawidun. EU chuan Trade and Technology Council chu India-in a thawhpui ram a siampuina hmasa ber tur leh, EU pawhin US dawta ram dang a siampuina hmasa ber tur a nih thu a tarlang. EU-India council chu an thawhdunna tinghettu tur, EU leh India ram mipuite pawhin an hlawkpui tur a ni, a ti.

PM Modi nena an inkawm hmain EU Chief hian external affairs minister S Jaishankar hmuin, Ukrain ram indona thleng mek leh, a nghawng neih dante an sawidun bawk.