Heroin Rs vbc 280 man hu Pakistan lawngah man

Indian Coast guard leh Gujarat anti-terrorist squad-te chuan Arabian Sea-a Pakistani lawngah heroin kg 250, cheng vaibelchhe 280 man hu an man a, lawnga thawk mi pakua an man tel bawk tih defence ministry thupuangtu chuan nimin khan a sawi.

Coast Guard lawngte chuan Pakistan lawng, 'Al Haj' chu India tuipui chinah a rawn lut tih sawiin, lawng hi an dap hnuah heroin hi an man a ni. He lawng leh lawnga thawkte chu Gujarat-a Kutch district-a Jakhau lawngchawlh hmunah hruai an ni.

Tun ṭum hi tun hnaia Gujarat-a ruihhlo tam tham tak an man ṭum hnihna a ni. Kar liam ta khan heroin, Rs vbc 1,500 man hu chu Anti-Terrorism Squad leh Directorate of Revenue Intelligence-te chuan Kandla lawngchawlh hmunah hian an lo man tawh bawk.