Jaya-i bialah AIADMK hotu tharin lawm a hlawh lo

Tamil Nadu-a rorellai, AIADMK-in an party hotu lu ber leh chief minister hlui, J Jayalalithaa-i a thih hnua party hotu atana an ruat Sasikala Natarajan-i chu, Jaya-i bial hluia ding turin bial mipuiten an duh lo.

Jaya-i hi Chennai-a RK Nagar constituency aṭanga thlan tlin a ni a, a thihsan tak avangin a bialah hian by-election neih a ngai dawn a ni.

Natarajan-i hi RK Nagar bialah hian ding turin party hruaitu ṭhenkhat chuan an ti a, mahse hei hi party worker-te chuan an duh loh thu an sawi. An zinga mi ṭhenkhat chuan Amma (Jaya-i) tan chauh an ding tih sawiin, Sasikala Natarajan-i chu an vote beisei lo turin an ti nghal bawk.

Bial mipui ṭhenkhat chuan Jaya-i bial hluiah hian, a vahnu DeepJayakumar din tir zawk turin an ti a, Jaya-i thlaktu dik tak zawk tur niin an ngai.

Party hruaitu P Vetrivel chuan party chhunga lungawi lohna awm chhanah eptu pawl DMK-te a puh a, DMK chuan mipuite an fuihpawrh a ni, a ti. Mahse DMK chuan an puhna chu thu dik lo a nih thu an sawi thung.