Republic Day parade-ah BSF, ITBP leh SSB sawm lo

Ramri vengtu force lian pathum, Border Security Force, Indo-Tibet Border Police leh Sashastra Seema Bal-te chu kumin Republic Day lawmna neih turah parade tura sawm zingah an tel lo.

Force pathuma official-te chuan sorkar laipui aṭangin tel tura sawmna engmah an la dawng lo tih an sawi a, Rajpath-a parade nei tur tan chuan practice ṭan a hun tawh a ni, an ti. Ramri vengtu sipaite koh an nih loh chhan hi ramri venhimna lam ngaih pawimawh a nih vang nia rin a ni. Hetihlai hian National Security Guards (NSG)-a Black Cat commando-te chu a ṭum khatna atan parade-ah hian an tel mai thei nia sawi a ni.