Sorkarin YouTube channel 16 a block

Sorkar laipui chuan inhuatna lam hawi leh thu dik tawk lo thehdarhna atana hmanga a puh, YouTube channel 16 bakah Facebook account pakhat chu Thawhṭanni khan a block.

Ministry of information and broadcasting chuan thuchhuah siamin, heng YouTube channel leh Facebook account an block takte hian belhkhawmin subscriber vaibelchhe 68 chuang zet an nei tih a sawi a, "Thu dik lo, belhchian dawn lo tak takte tichhuakin mipuite a tichiai a, India mipuite inkarah inhuatna chawk chhuakin, mipui nunphungte a tibuai a ni," a ti. YouTube channel an block zinga paruk chu Pakistan-a siam a ni tih a tarlang bawk.

India rama siam YouTube channel an block-te hian hnam bil ṭhenkhat chu firfiak angah te sawiin, sakhaw hrang hrang inkarah inhuatnate ansiamsak a ni, tiin ministry thuchhuah chuan a tarlang. YouTube channel block zingah hian MRF TV LIVE, Saini Education Research, Tahaffuz-e-Deen India leh SBB News-te an tel a, Pakistan channel an block zingah AjTak Pakistan, Discover Point, Reality Checks leh The Voice of Asia-te an tel bawk a ni.