Home Ministry-in NGO 2-te foreign funding license titawp

Union home ministry chuan nimin khan NGO pahnih - Commonwealth Human Rights Initiative (CHRI) leh Apne Aap Women Worldwide (AAWW)-te chu ram pawn aṭanga fund an dawn leh an pekchhuah danah dan an bawhchhia nia sawiin, foreign funding license a tihtawp sak.

Ministry chuan NGO pahnihte hian Foreign Contribution Regulation Act 2010 hnuaiah annual financial return thehluh tura tih chu an zawm lo niin a sawi. Foreign aṭanga donation atan an dawnte chu a hmanna tur niloah an tichingpen niin a sawi bawk.

CHRI hi commonwealth rama mipuite sorkar leh public body danga information an hmuh tur angte an hmuh theihna tura an dikna chanvo neihte humhalhna kawnga thawktu a ni. AAWW hi Mumbai-a red-light district-a hmeichhe 22-te din niin, sex trafficking dona leh hmeichhiate venhimna kawnga thawktu a ni.

Sorkar laipui hian kum 2017-2021 inkarah dan an zawm lo nia sawiin, NGO 1,900 dawnte FCRA registration chu a lo tihtawp sak tawh a ni.