UCC hi Muslim-te tan pawm theih a ni lo : AIMPLB

All India Muslim Personal Law Board (AIMPLB) chuan Uniform Civil Code (UCC) an duh loh thu sawichhuak lehin, UCC chu constitution kalh, hnam leh sakhaw tlem zawk tana ṭha lo leh Muslim-te tana pawm theih loh a nih thu an sawi.

AIMPLB chuan UCC chungchang chu ram chhunga thil thleng mek, thil man sang, economy dinhmun tlahniam leh hnathawh nei lo pung zel laka mipui rilru lak penna tura BJP kaihhruai sorkarten an rawn vawrhchhuah nia sawiin, hei hi inhuatna leh inthliarhranna chawilarna tur a ni, an ti.

Thuchhuah siamin, AIMPLB general secretary Maulana Khalid Saifullah Rahmani chuan, Constitution chuan ram mipuite tupawh an sakhaw duh dan anga an khawsak a phalsak a ni tiin, ram danpui kalh zawnga thiltih tumna chu Muslim-te tan chuan eng kawng maha pawm theih a nih loh thu a sawi.

Tun hnaiah BJP sorkarna state Himachal Pradesh leh Uttarakhand chuan UCC hman an tum thu hi an sawi a ni.