Delhi-a sanitation worker-te an nuar leh
Delhi-a East Delhi Municipal Corporation (EDMC)-a sanitation worker-te chu an hlawh tang mek pek phutin nawr an huaihawt leh a, hei vang hian khawpui chhungah bawlhhlawh a inchhek khawl leh nasa hle.
Kar kalta Ningani khan sanitation worker-te hian thla thum chhung hlawh an lak theih tawh loh chu pe tura sorkar phutin tiam chin awm loin nawrh an huaihawt a ni. Hlawh tang pek an phut bakah, staff-te dahngheh leh arrear an lak turte pawh tifel turin an phut tel bawk.
Hnathawktu nuar zinga ṭhenkhat chu vawiin hian MLA ṭhenkhatte chenna in kawtah an pungkhawm dawn a, bawlhhlawh chhunkhawm an tum bawk.
Kum 2015 January leh October thla khan EDMC worker-te hian nawrh an lo huaihawt tawh bawk a, bawlhhlawh paih loha hun eng emaw chen a inchhekkhawl avangin khawpui chhung boruak rimchhia pawh hriselna atan a hlauhawm pha hial nia sawi a ni. Delhi High Court a inrawlh hnuah nawrh huaihawt hi an titawp thei chauh a ni.