Manmohan Singh-a’n Congress Punjab Manifesto tlangzarh dawn

Prime Minister hlui, Dr. Manmohan Singh chuan vawiin hian Punjab state assembly inthlan neih tura Congress party manifesto a tlangzarh dawn.

Congress manifesto hi NewDelhi-a party headquarters-ah PM hlui hian a tlangzarh dawn a, he hunah hian Punjab-a Congress hotu Amarinder Singh leh manifesto drafting panel chairperson Rajinder Bhattal-te pawh an tel ang.

Party headquarters-ah tlangzarh a nih rual hian, state unit vice president Manpreet Badal chuan Chandigarh-ah a lo tlangzarh ve nghal ang. Party manifesto-ah hian lo neitute hamṭhatna pekna tur te, dalits leh hnam hnuaihnung zawkte chawikanna tura an intiamna te pawh tarlan a nih ngei rin a ni.