J&K-ah firfiak 2 kaphlum

Jammu and Kashmir-a Pulwama district-ah Nilaini zan khan security force-ten Al-Badr firfiak pahnih an kaphlum tih police-ten an sawi.

Security force-te hian firfiak an awm thu an dawn avangin Nilaini khan Pulwama hi an dap a, firfiak birute hian lo kap hmanin an inkap zui ta a ni. An inbeihna biala civil mite chu hmun him lamah hruaichhuah nghal an ni bawk niin official chuan a sawi.

Civil mite hruaichhuah an nih hnuah inkap chhunzawmin, Nilaini zan khan firfiak pahnih hi kahhlum an ni a, an inbeihnaah hian sipai pakhatin hliam a tuar bawk.

Inspector general of police (IGP), Kashmir, Vijay Kumar chuan firfiak an kahhlumte hi Al-Badr pawl mi leh sate an ni tih a sawi. Kumin March-April-a Pulwama-a hnathawkte beihna thleng ṭhinah pawh an inhnamhnawih a ni, a ti.