Defence minister hoin review meeting nei

Ladakh-a thil thleng chungchang avangin nimin khan defence minister Rajnath Singh hoin chief of defence staff (CDS) General Bipin Rawat leh service pathum hotu, Army Chief Gen MM Naravane, Navy Chief Admiral Karambir Singh leh Air Chief Marshal RKS Bhadauria-ten review meeting an nei. 

Meeting-ah hian Rajnath Singh chuan sipai hotute chu khawmual, boruak leh tuipui ramri ven hna khauh zawka kalpui tur leh, China sipaite chetdante uluk taka thlithlai turin a hrilh a ni. Line of Actual Control (LAC)-a ramri venhim kawngah Indian Army chu thuneihna sang zawk leh an hmalak dan turah thuneihna pumhlum pek nia sawi a ni bawk.