Income Tax-in Rajkot-a bank a chhui mek
Income Tax department chuan Rajkot-a cooperative bank a chhui mek.
Kum 2016, November 8-a pawisa note lian pahnih tih thih a nih hnuah khan Rajkot-a cooperative bank-ah hian cheng vaibelchhe 871 deposit a ni a, account thar 4,500 chuang hawn a ni bawk. Heng account hawn thar zinga 50 chuang zetah hian mobile number inang vek hman a ni.
Income Tax department chuan bank-a thil kalpui danah thil dik tawk lo a awm tih an hriatchhuah hnuin, tax law hnuaiah bank hi thil awmdan kimchang a zawtfiah mek.
Official-te chuan deparment-in a chhui chiannaah, cheng vaibelchhe 871 deposit zinga a tam zawk hi Rs 500 leh Rs 1,000 note hlui a nih thu an sawi a, heng sumte hi nikum November 9 - December 30 chhunga dah luh vek an ni. Hemi hun chhung vek hian cheng vaibelchhe 108 lakchhuah a ni bawk.