Healthcare worker tana insurance scheme siam pawtsei

Ram chhunga hripui leng vanga sorkar laipuiin healthcare worker-te tana Rs nuai 50 insurance scheme a siamsak chu hri lengin ziaawm lam a pan theih loh avangin September thla thleng atan pawhsei a ni. 

March thlaa union finance minister Nirmala Sitharaman-i'n  Pradhan Mantri Garib Kalyan package hnuaia healthcare worker-te insurance scheme siamsak a nih thu a puan hi June 30,2020 thleng huam tura tih a ni. Mahse hri lengin zual lam a pan zel avangin, hri dona kawnga a hmatawngtu, healthcare worker-te tana insurance scheme siam sak hi pawhsei a ni leh ta a ni. 

He scheme hian ram chhunga healthcare worker, central leh state sorkar hnuaia mi nuai 22.12-te a huam a, scheme atana sum ruahman hi Ministry of Health and Family Welfare enkawl, National Disaster Response Fund aṭangin pek a ni. Healthcare worker, Covid-19 kai an enkawlna lamah vanduaina tawkte chu he scheme kaltlang hian zangnadawmna cheng nuai 50 pek an ni ang.