Sri Lanka-a chhawmdawlna thawn phalsak turin ngen

Tamil Nadu Assembly chuan Sri Lanka-a chhawmdawlna, damdawi leh chaw lam chi te thawn phalsak tura sorkar laipui nawrna tur resolution chu nimin khan a pass.

Chief minister MK Stalin chuan sorkar laipuiin a remtihsak a nih chuan, state sorkar chaun Sri Lanka tan hian buhfai ton 40,000 a thawn dawn a ni, a ti. Economy tlakchhiat avanga harsatna tawk mektu, Lankan Tamil chauh ni lo, midangte pawh an theih anga puih an tum thu a sawi.

MK Stalin hian thla hmasa khan sorkar laipui hnenah ṭanpuina thawn phalsak tur hian a lo dil tawh a, mahse chhanna a la dawng lo.

Sri Lanka economy tlakchhiat avangin a ram mipuite'n harsatna an tawk a, ram pawn aṭangin chaw leh fuel te an lalut thei a, hei vang hian an ram chhunga nitin mamawh indaihlohna a nasain thil man pawh a sang chak hle a ni.