December thla chhungin Aadhaar tithar 60% in pung
Sorkar laipuiin cashless economy kalpui a tumnaah Aadhaar number a pawimawh tak avangin, nikum December thla chhung khan Aadhaar enrolment tih hi November thla aiin 60% zetin an pung.
Kum 2016, November thla khan rampumah Aadhaar-a inziaklut thar hi mi maktaduai 10.49 an awm a, mahse hemi thla hian pawisa note sang pahnih tih thih a ni a, cashless transaction a pawimawh ṭan a, hemi atan hian Aadhaar number a ngaih tak avangin December thlaah chuan enrolment ti thar hi mi maktaduai 16.05-ah an pung chho nghal a ni. Nikum chhung khan December thlaah hian thla khat chhunga Aadhaar enrolment ti an tam ber.
Unique Identification Authority of India (UIDAI) official chuan kumin January thlaah pawh chawlhkar hmasa berah Aadhaar-a hming inziaklut thar hi mi maktaduai 3.63 an awm tawh niin a sawi a, heng mite nen hian ram pumah Aadhaar enrolment ti tawh hi mi vaibelchhe 110 an tling tawh a ni, a ti. Hei hi ram mipui, kum tling ching aṭangin 98% a tling.