Block tina bawng enkawlna siam turin UP CM-in hriattir

Uttar Pradesh chief minister Yogi Adityanath chuan nimin khan official-te chu state chhung block tinah bawng enkawlna tur hmun siam tur leh, bawngten khaw lum lutuk an tuar tur laka venna tur ruahmanna siam turin a hrilh.

"Bawng 2,000 - 2,500 awm theihna tur bawng awmna tur hmun hi siam vek tur a ni. Heng hmunte hi uluk taka enkawl tur a ni bawk. Ni sa leh khaw lum lutuk laka an himna tur ngaihtuah sak tur a ni," tiin CM chuan, "Bawng in tinah chuan bawng chaw, buhpawl leh hnim hring dahna turte pawh ruahmanna fel tak siam tur a ni. Wheat seng hun lai a nih avangin ran chaw lei hun tak pawh a ni. Hei bakah hian milk committee siam tur pawh chak taka kalpui a ni tur a ni," a ti.