Zu khap hnuah Bihar-ah pawi­khawihna a hluar

Bihar Chief Minister Nitish Kumar chuan, kum 2016 April 1 aṭang khan an state chhungah zu zawrh, siam leh in a khap.

CM chuan zu khap a nih aṭanga ni 30 hnuah, an state chhunga pawi­khawihna thleng chu kum hmasa lam aiin 27% in a hluar niin a sawi. Mahse IndiaSpend-in Bihar Police crime data a zirchiannaah, police-te’n magistrate order ngai kher loa an chhui theih pawikhawihna thleng hi April - October, 2016 chhungin 13% in a pung zawk niin a tarlang. Kum 2016 April thlaa pawikhawihna thlenga thubuai 14,279 awm chu, October-ah chuan 16,153-ah a kaichho a ni.

Kum 2010-a Bihar-a pawikhawihtu thiam loh chantir mi 14,311 awm chu, kum 2015-ah 4,513-ah a tla­hniam a, a tlakhniamna hi 68% zet a tling. Mahse hemi chhung vek hian pawikhawihna thleng thubuai chu 42% in a pung thung.

Zu khap a nih hnu hian pawikhawihna lian tham - tualthah, pawngsual, inrukbo, tualchhung buaina siam pawh a pung zawk vek a ni.