Lalu-a pension dilna pawmsak

Bihar sorkar chuan Chief Minister hlui Lalu Yadav-a’n thlatina pension Rs 10,000 pe tur a dilna chu a pawmsak.

Lalu Yadav hian kum 1975 emergency laia jail-a tangte tana scheme siam, JP Senamai Samman pension plan hnuaiah pension hi a dil a ni. He scheme hi kum 2009 khan Bihar Chief Minister Nitish Kumar-a’n a siam a, hetih hunlai hian Lalu Yadav hi he scheme dodaltu zingah hian a tel a ni. Mahse tunah hian Nitish Kumar-a kaihhruai ṭangrual sorkarah Lalu-a party, RDJ hi a tel tawh a n.

Lalu hi emergency hun lai hian zirlai a ni a, Maintenance of Internal Security Act or MISA hnuaia activist eng emaw zat man zingah a tel a ni. Kum 2015-a MISA scheme siamṭhat a nih hnu khan Lalu hi hamṭhatna dawng thei zingah a tel a ni. Scheme siamṭhat hnuaiah, JP movement laia thla ruk chhung jail-a tang chinte hnenah pension, thla khatah Rs 5,000 leh thla ruk aia rei tangte hnenah Rs 10,000 pek theih an ni.

He scheme hi pensioner 3,100 velin an chhawr thei dawn a, mahse a chhawr thei tur zinga mi BJP hruaitu hlun Sushil Kumar Modi erawh chuan pawisa hi lak a tum lo tih a sawi.