Boruak bawlhhlawh kaihhnawh vangin kum tin nuai 12 an thi

World Health Organisation (WHO) chuan boruak bawlhhlawh kaihhnawih vangin India ramah kumtin mi nuai 12 an thi a, Delhi chu khawvela khawpui zinga boruak bawlhhlawhna ber a ni, a ti.

Kum 2016 September thla khan, WHO chuan boruak bawlhhlawh kaihhnawih vanga khawvel puma thihna thleng zinga 75% chu India rama thleng niin a sawi. UN children’s agency UNICEF chuan khawvel puma naupang pasarih zinga pakhat zel chu air pollution sanna hmunah an cheng a, heng zinga a tam ber hi South Asia biala cheng an nih thu a tarlang.

Greenpeace India report in a tarlan danin, boruak bawlhhlawhna khawpui 20 thlanchhuah zingah Delhi chu a sang ber a, kum 2016 Diwali lawmna neih hnu aṭang khan Delhi leh National Capital Region (NCR)-a air quality chu mihring hriselna atana hlauhawm tham a tling nia tarlan a ni bawk.