MP-ah bawng talha puh tribal 2 sawisa hlum

Madhya Pradesh-a Seoni district-ah Bajrang Dal member nia sawite chuan Thawhlehni zing khan tribal mi pahnih chu bawng talhah puhin an sawisa hlum. He pawikhawihna thlenga inhnamhnawih nia sawi mi pakua chu police-ten nimin khan an man.

He thil hi Simaria khuaa thleng a ni a, bawng talha puh mi pahnihte sawisak hlum an nih avang hian Congress MLA Arjun Singh Kakodia kaihhruaiin Thawhlehni vek khan Jabalpur-Nagpur highway-ah darkar ruk chhung lungawi lohna lantir a ni a, thi chhungte chu chhawmdawlna pe tur leh, hna thawh tur pe turin sorkar an phut. District thuneitute an thil phutte thuneitu sawipui an tiam hnuah nawrh hi an titawp a ni.

Hemi hnu hian district thuneitute chuan thuchhuah siamin, thi chhungte chu chhawmdawlna Rs nuai 8.25 ve ve pek an ni dawn tih an puang.

Madhya Pradesh Congress hotu Kamal Nath chuan he thil thleng chhui chiang tur hian party pathuma tribal MLA-te awmna, committee a din a ni. State BJP president VD Sharma pawhin inthahna thleng chu an dem thu sawiin, an state-a BJP sorkar chuan pawikhawihtute chu tumah a dim dawn lo a ni, a ti.