World Press Freedom Index-ah India dinhmun a hniam

Reporters Without Borders-in press mite zalen dan chungchang a tehna, World Press Freedom Index a tihchhuahah India dinhmun a tlahniam a, nikuma rank 142-naa a awm laiin report tihchhuah tharah chuan 150-naah a tla thla a ni.

RSF 2022 World Press Freedom Index-ah hian ram 180-a journalist-te dinhmun tehin, Norway ram chu 1-na a ni a, Denmark, Sweden,Estonia leh Finland-ten an dawt. Hetih lai hian ram 180 zingah hian North Korea chu journalist-te zalenna rahbehsak nasatna ber ram a ni.

Reporters sans frontieres (RSF) chuan India thuneitute chuan mitinin freedom of expression rights an neih chu an zahsak tur a ni tiin, roreltu sawiselna lam report vanga thubuai siamsak leh man tawk mek journalist-te chu chhuah tura phutin, indepenent media-te chu bitum leh vaukhan reng lo turin an ti bawk.

Thuneituten journalist-te an bitum fo hian Hindu kalfawrte a tihuangtau a, online leh offline hmangin India sorkar sawiseltu journalist-te chuan vau leh tinawmnah te an tawh phah fo a ni, tiin an tarlang.