BSF-in sipai video tihchhuah chhang let

Border Security Force (BSF) chuan BSF sipai pakhatin Facebook-a video a dahchhuaha an ei tur dawn ṭhin a sawisel chungchang chu chhang letin, ei tur indaih lohna a awm loh thu leh, sipai zingah an chaw leh ei tur dawnte sawisel an awm loh thu a sawi.

BSF sipai Tej Bahadur Yadav-an social media-a video a dahchhuahah hian, an ei tur dawnte sawiselin, dal tuiril tak tak leh chhang ut te an dawn ṭhin thu a sawi a, a chang phei chuan ei tur awm loh vangin ramri vengtu sipaite chu rilṭama an mut a ngaih chang pawh a awm niin a sawi.

Video hian en a hlawh hle a, Prime Minister office pawhin Home ministry hnenah chhui chiang turin a tih phah a ni. Ningani khan BSF chuan Home Ministry-ah report thehlutin, Tej Bahadur Yadav-a awmna post-ah hian sipaite ei tur indaih lo a awm lo a, kar hmasaa BSF officer-in a tlawh ṭum pawhin sipai zingah an chaw dawn chung­changah complaint siam tu­m­ah an awm lo a ni, a ti.

LoC-a duty sipaite ei tur hi army in a pe a, mahse eisiam hna hi BSF mi leh saten an thawk thung. BSF chuan Yadav-a video-a dal tuiril lutuk anga a dahlan a chu a ṭin ami a nih thu a sawi a, parantha ut taka kan nia a sawi pawh an awmna hmun a tlang san avanga ei tur siam dan inkaihhruaina siam anga kan anih thu a tarlang. Yadav-a complaint siam chu ei tur lam ni lo, thil dangah harsatna a neih vang a ni thei nia sawi a ni bawk. Mahse BSF leh home ministry chuan sipai complaint siamte hi ngun tak an endik tur thu leh, siamṭha tura a ṭul anga hma lak a nih tur thu a sawi.