Indian Army-te tan app 89 hman phal lo
Indian Army-te chu Nilaini khan an smartphone-a an hman theih app 89 hmang lo tura hriattir an ni a, hman an phal loh chhan hi information pawimawh a putchhuah hlauhthawn thil vang a nih thu army lam chuan an tarlang.
Heng app phalloh zingah Facebook, TikTok, Truecaller, Instagram, UC Browser, PUBG te an tel.
June 29 khan India sorkar chuan Chinese mobile app 59 a lo ti tawp tawh bawk a, heng zingah hian Covid-19 hri len chhunga ṭhalai tam takin an hman leh an hlimpui em em TikTok pawh a tel a ni. Heng Chinese siam thilte tihtawp a nih chhan chu June 15-a Line of Actual Control (LAC)-a India sipai leh China sipai intihbuaina vang a ni. Heng hmalakna kalpui a nih chhan hi Ministry of Information Technology-ah mi tam takin complaint an thehluh vang a ni a, complaint thehluhah hian heng Chinese app aṭang hian date/information a putruk theih thu tarlan a ni.