Jallikattu khap vangin lung­awi lohna lantir chhunzawm

Tamil Nadu-a Pongal festival-a bawng chal chaiha infiamna an neih ṭhin pakhat, Jallikattu khap a nih avang­in state chhung hmun hrang hrangah lungawi lohna lantir chhunzawm zel a ni.

Jallikattu khap vanga lungawi lohna lantir hian dawr leh sumdawnna hmun dangte khar a ni a, kawtthler hrang hrangah mipuite chuan flag dum vaiin kawng an zawh bawk. Dan leh thupek kenkawh a nih theih nan security duty pawh tam zawk dah an ni.

Khap ni mah se, Jallikattu sport hi Madurai-ah chuan nih hnih huaihawt luih a ni. Hetih lai hian Madurai district-a Mudakathan, Alanganallur,Palamedu leh Vilangudi-ah Jallikattu buatsaih luih tumtu ṭhalai eng emaw zat man an ni.