PM Modi-a'n India Global Week-ah thu sawi

Prime minister Naren­dra Modi chuan nimin khan ni thum awh tur, UK-a India Global Week 2020, virtual conference hawnna inkhawmah thu a sawi.  India Global Week 2020 thupui atan hian  'Be The Revival: India and a Better New World' tih hman a ni a, ram 20 aṭangin mi 5,000 telin,  session 75 a awm dawn a, hemi chhung hian mi 250 in thu an sawi ang. 

Nimina hawnna in­khawm­ah hian External Affairs Minister S Jaishan­kar, Commerce and Rail­way Minister Piyush Goyal, Jammu and Kashmir Lt Governor G C Murmu, Isha Foundation founder Sadhguru Jaggi Vasudev, leh spiritual leader Sri Sri Ravi Shankar-te pawh an tel. PM chuan India chuan investor-te tan kawng a hawng reng tih sawiin, a bikin loneitute tana invest turin a sawm. Khawvela hripui leng mek chuan India pharma industry theihna chu India tan chauh ni lo, khawvel pum tan a rawn lantir a ni, a ti. A bikin ram ṭhang mek zingah damdawi man tihtlawmna kawnga hma­hruaitu a ni, tiin a sawi.