MP-ah UP gangster Vikas Dubey man

Uttar Pradesh gangster Vikas Dubey, kar liam taa police pariat thahnaa mawhphurtu bera puh chu nimin zing khan Madhya Pradesh-a temple pakhat aṭangin man a ni. 

Kar liam ta Zirtawpni khan Vikas Dubey man tuma an khua, Kanpur-a Chaubeypur hmuna kal police pariat chu Dubey leh ahote chuan in chung aṭangin an lo kap hlum a ni.  Hemi  hnu hian Dubey hi chin hriat lohin a bibo zui nghal bawk. Kar khat dawn Uttar Pradesh police-ten state pathuma an zawn kual hnuin, nimin zing dar 8 vel khan Mahalak temple-a a kal tur, dawra thil a lei chu dawr neitu hian lo hriain security guard-te a hrilh nghal a ni. 

Temple aṭanga a chhuak chu guard-te hian thu lo zawhfiahin, ID lem a hmuh a, thu an zawt zui zel chu guard-te a bei zui a, anni hian police station lamah an hruai ta a ni. Dubey hian tualthah, inrukbo, in vau leh buaina chawk chhuaka puhna thu buai 60 zet nei a ni a, a lumanah hian cheng nuai nga phal a ni bawk.