IIT-ah hmeichhe pualin seat dah rawt

Indian Institutes of Technology (IIT) ah hmeichhe zirlaite pual bika seat dahsak turin IIT-a hmeichhe zirlai chungchang ngaihtuahtu committee chuan rawtna a thlen a, he rawtna hi joint admission board (JAB) meeting pawmpui turin chhawp chhuah a ni ang.

Hmeichhe zirlai puala seat hauh hi kum 2018 aṭanga kalpui tura ruahman a ni a, IIT hrang hrangah an hmunhma neih dan a zirin seat dah tur zat erawh chu siam a ni ang.

Committee chuan JEE-Advanced pal­tlang, hmeichhe zirlaite tan IIT-ah hian seat 20% dahsak turin a rawt a, hei hian mipa candidate-te seat neih theih zat tur a nghawng dawn lo a ni. Kum 2016-ah khan hmeichhe zirlai zingah JEE-Advanced paltlang hi a kum hmasa aiin 2% in an tlem zawk a ni.