Delhi HC-in BSF chaw dawn quality report phut

Delhi High Court chuan tunhnaia Line of Control (LoC)-a duty, Border Security Force (BSF) sipai pakhatin sipaite chaw dawn ṭhin chungchang sawisel a, social media lama video a thehdarh hnuah, sorkar laipui chu hma a lak dan leh sipai chaw dawn qua­lity chungchangah report thehlut turin a ngen.

Chief Justice G.Rohini leh Justice Sangita Dhingra Sehgal awmna division bench chuan Ministry of Home Affairs (MHA) hnenah, BSF constable Tej Bahadur Yadav-an an chaw dawn chungchang a sawisel hnuah thil awmdan an chhui zui dan te a zawt a ni.

Bench chuan paramilatary force - BSF, Central Industrial Security Force, Central Reserve Police Force, Indo-Tibetan Border Police, Sashastra Seema Bal leh Assam Rifles te pawh hriattirna an chaw dawn quality report theh­lut turin a hriattir bawk.