Hmun tawp laiah Gandhi symbol dah lo turin ngen

Sorkar laipui chuan state sorkar-te hnenah Gandhi-a thlalak leh logo, a tarmit, charkha leh sana thla te chu hmun ṭawp leh balah tar lo turin a ngen.

Gandhi thla leh a symbol-te hi vantlang inthiarna hmun, bawlhhlawh bawm leh hmun dang, hmun thianghlim lo nia ngaihah te tarlang lo turin a ti. 

Ministry chuan department hotu hrang hrangte chu district tin leh thuneitute dang hnenah pawh he ngenna hi thehdarh turin a ti bawk. Chhattisgarh High Court-a Badruddin Qureshi-an public toilet bang leh hmun ṭawp tak takah Gandhi-a thlalak leh a symbol dangte tar a nih avanga complaint a thehluh hnuah sorkar laipui chuan he ngenna hi a tichhuak a ni.