Kum upa zawkte puala helpline siam betu an tam

Sorkarin kum upa zawkte puala national helpline a siam chu betu an tam hle a, nikum October thla aṭang khan he helpline kaltanga puihna mamawha call hi 79,000 chuang an awm tih official data chuan a tarlang.

Nikum October 1 aṭanga call an dawn hi l 5,07,493 zet a ni a, mahse heng zinga a tam ber 84% vel chu non-serivceable call nia sawi a ni. Hengte hi kum upa zawk tan ni lo te, an kaihhnawih thil ni lo ngenna siamte bakah office hour pawn lama call-te an ni.

Serviceable call hi 79,051 an dawng a, heng zinga call 22,340 chu pension kaihhnawih thil niin call 6,506 chu Covid chungchanga puih ngai te, tihnawmnah tawh vanga call 4,748, tar enkawlna chungchangah call 2,040, rilru lama puihna mamawh 1,856 leh inenkawlna chungchangah call 1,326 an dawng a ni.

Kum upa zinga ṭanpuina mamawh call-tu zingah hian mipa tam zawkin, 44,348 an awm a, hmeichhia call-tu hi 18,363 an awm.

Covid-19 hripui a len hnuah kum upa lam zawkten harsatna an tawhte puihna turin helpline hi siam a ni. Ministry of social justice and empowerment chuan ELDERLINE project hnuaiha state leh UT 28-ah call centre hi a siam a ni.

State/UT zingah call-tu ngah ber chu Uttar Praesh niin, Maharashtra, Rajasthan, Karnataka, Madhya Pradesh leh Uttarakhand-ten an dawt.