Marina Beach-ah Jallikattu thlawptute pungkhawm

Tamil Nadu khawpui, Chennai-a Marina Beach-ah Pongal festival peng pawimawh tak pakhat, Jallikattu sprort khap a nih avanga lung­awi lo mi tam tak an pungkhawm a, khapna hlip turin an phut.

Pungkhawmte chuan kum tam tak chhung an lo kalpui tawh leh an culture-a bet tlat, Tamil miten an chhuan, Jallikattu chu tihbo mai an duh lo tih an sawi. Marina Beach-a pungkhawm hi pawl bik huaihawt a ni lo a, WhatsApp message leh social media lama post aṭanga darh ṭan niin, ṭhalai tak takin Marina hi an pankhawm a ni. Hruaitu leh huaihawttu bik awm lo mah se, mi lar tam takin an zawm a ni.

State sorkar chuan Jallikattu khap a nih avanga lungawi lote chu inbiakna a neihpui a, he infiamna hi an state-ah kalpui a nih leh theihnan theih­tawp chhuah a tiam. Sorkar chuan hemi chungchangah hian President pawh hmuh a tum tih a sawi.