Jan 20-a CBI hotu ruatfel turin sorkar laipui hriattir

Supreme Court chuan sorkar laipui hnenah Central Bureau of Investigation (CBI) hotu thar tur chu January 20-ah ruatfel turin a hriattir.

Nilaini khan Prime Minister, Chief Justice of India leh eptu hruaitu awmna high-powered committee chu inhmukhawm­in, CBI Director thar tur chungchang hi an ngaihtuah niin sorkar lapui aiawha ding, Attorney General Mukul Rohatgi chuan court a hrilh.

Justice Kurian Joseph leh AM Khanwilkar awmna bench chuan CBI hotu thar tur chu an chhawpchhuah zing aṭanga thlang fel thuai a, Zirtawpni-ah engkim tifel tawh turin a hriattir a ni. Court chuan nikum December 16 khan sorkar laipui hnenah panel-in CBI hotu thar tur a la ngaituah loh chhan hi a lo zawt tawh a ni.