BSF-in heroin phurtu Pakistan drone an kapthla

Border Security Force (BSF) chuan nimin khan Punjab-ah Pakistan aṭanga rawn thlawk, heorin phurtu drone chu Amritsar-ah an kapthla tih an sawi.

Drone an kahthlakah hian heroin packet pakua an man tih sawiin, a vai hian kg 19.67 a tling a ni.

BSF Punjab Frontier chuan an twitter-ah hemi chungchang hi tarlangin, ramri kaltlanga drone hmanga ruihhlo rawn tawlhluh tumna chu an lo dan thu leh, drone kapthlain a heroin phurh pawh an man thu an sawi.

Inrinni liam ta khan BSF sipaite hian Jammu-a RS Pura sub division-a Arnia area-ah Pakistan aṭanga forne rawn thlawk lut chu an lo kap tawh bawk a, an kah hnuah drone hi Pakistan lamah a kir leh nghal a ni. April thla khan BSF hian Punjab-a Amritsar sector-ah bawk Pakistan aṭanga drone rawn thlawk lut chu an lo kapthla tawh bawk.