Inthlana duty turin paramilitary force 85,000 tir dawn

State panga-a assembly inthlan neih tura duty turin union home ministry chuan paramilitary force company 850-a, sipai 85,000 te a tirchhuak dawn.

Assembly inthlan hi state panga - Uttar Pradesh, Punjab, Uttarakhand, Goa leh Manipur-ah February 4 aṭang hian neih a ni dawn a ni. Punjab, Uttarakhand leh Goa-ah chuan inthlan hi ṭum khatah zawhfel a ni dawn a, Manipur-ah thawh hniha neih niin, Uttar Pradesh-ah chuan thawh sariha kalpui a ni ang.

Inthan muanawm leh felfai a awm theih nan paramilitary force-te hi duty tir an ni dawn a, an ni bakah hian inthlanna tur state-a state police leh home guard-te pawh duty tir an ni bawk ang.

Home Ministry chuan inthlana duty tur hian state hrang hranga State Armed Police force leh India Reserve Battalion caompany 150 ami te a chhawr dawn a, a bak chu central paramilitary force aṭanga tirh an ni ang.

Sipai duty tur zinga a tam ber chu Uttar Pradesh-ah tirh an ni dawn a, Manipur-ah pawh ṭhahnem tham tak tirh an ni bawk ang.