TN CM-in Jallikattu khapna hlip turin PM ngen

Tamil Nadu Chief Minister O Panneerselvam chuan nimin khan Prime Minister Narendra a hmu a, an state-a Pongal festival an lawm denchhenna infiamna an neih ṭhin, Jallikattu khapna siam chu hlip turin a ngen.

CM Panneerselvam chuan Jallikattu khapna hlihna dan siam turin a ngen tih a sawi. Jallikattu khap a nih avang hian state chhung hmun hrang hrangah lungawi lohna lantir chhunzawm zel a ni a, Jallikattu sports chu an culture-a bet a ni tiin, phalsak turin an phut. CM chuan PM pawhin state tinte culture humhalh chu a dah pawimawh hle tih a lo hrilh a, theihtawp chhuahpui pawh a lo tiam niin a sawi. Hemi rual hian Jallikattu khap chungchang hi chu court kuta awm a ni tih a lo hrilh a ni.