British MP-te'n Kashmir chungchang sawiho

Britain MP-te chuan nimin khan UK Parliament-ah Kashmir chungchang an sawiho a, India leh Pakistan chu inremna kawng zawnga inbiakna neih dan ngaihtuah turin an ti.

House of Commons chuan UK sorkar hnenah India-Pakistan inkara hun rei tak Kashmir chungchanga buaina awm tawh chu chinfel dan ngaihtuah turin a ngen. UK Foreign Office minister in charge of Asia, Alok Sharma chuan ram pahnihte chu UK ṭhianṭha tak ve ve an ni tih sawiin, inzawmna ṭha tak an neihpui te a nih thu a sawi. 

Kashmir chungchanga buaina chu UK chinfel sak theih a ni lo a, Kashmir mipuite duhdan thlira ram pahnihten an chinfel a ngai a ni, a ti. Hemi rual hian inremna kawng zawnga inbiakna an neih theih nan UK chuan theihtawp a chhuah zel tur thu a sawi.