Congress leh SP-in seat insem dan tur buaipui mek

Uttar Pradesh assem­bly inthlan neih tura thawkdun tur, rorellai Samajwadi Party leh Congress party chuan seat insem dan tur an buaipui mek.

SP national vice-pre­sident Kiranmoy Nanda chuan Congress party tan hian seat 84-84 vel an pe thei dawn niin a sawi a, hemi chungchangah hian Congress party lamin chhanna an la pe lo. Nanda chuan Congress party nena thawhdun chu an duh a, mahse thawhdunna hi an party duhdan anga kalpui an duh thu a sawi thung.

Hetih lai hian SP natio­nal president Akhilesh Yadav chuan nimin khan inthlan thawh thum neih tura an party candidate-te hming 191 a tichhuak. List tihchhuahah hian Congress party-in MLA a neih mekna seat pariat pawh a tel a ni.