NHRC DG ruat fel turin hriattir

Supreme Court chuan sorkar laipui hnenah National Human Rights Commission (NHRC) Director General chu kar khat chhunga ruat fel turin a hriattir.

Chief Justice JS Khehar kaihhruai bench chuan NHRC DG chu kar khat chhunga ruat fel tur leh, commission member pawh kar li chhunga tifel vel turin a hriattir a ni. He hriattirna hi sorkar laipui hian zawm lo a, a ruat fel thuai loh chuang buaina a tawk chho dawn tih a hrilh nghal bawk. Tun thlenga ruat fel an la nih loh chungchangah sorkar laipui chu khakin, hun pek belh a tum lo tih a sawi.

Nikum December 2 khan Supreme Court chuan NHRC member-te ruat hun tihkhawtlai a nih chungchangah a lawm loh thu a lo sawi tawh a, a tikhawtlai chhan hi sawifiah tura sorkar laipui a phut bakah, tifel thuai turin a lo hrilh tawh a ni. Kum 2014, March thla aṭang khan commission-a hmun ruak chu hnawh khat lohin a la awm a ni, a ti.