Ram kang vangin emergency puang

Chile ramah ram nasa takin a kang mek a, hei vang hian an ram khawpui Santiago chhim lam bial zau takah emergency puan a ni.

Ram kang hi sipai 1,200 leh kangṭhelhtu 500-te’n an ṭhelh mek. President Michelle Bachelet chuan ram kang ṭhelh chungchanga tawnhriat lo nei tawh ramte ṭanpuina a dil. Kangṭhelhtute chuan theihtawp an chhuah mek a ni, a ti. Chile sorkar chuan ram kang ṭhelhna tur hian US, Canada, Mexico, Argentina, Brazil, Uruguay leh Peru ramte chu helicopter tir turin a ngen. Ni eng emaw zat kalta aṭang khan chhim lam leh central bialah ram­ngaw kang hi hmun 100 chuangah a awm a ni.